Galicia, non debes chamarte nunca española.

Probe Galicia, non debes
chamarte nunca española,
que España de ti se olvida
cando eres, ¡ai!, tan hermosa.
Cal si na infamia naceras,
torpe, de ti se avergonza,
i a nai que un fillo despreza
nai sin corazón se noma.
Naide por que te levantes
che alarga a man bondadosa;
naide os teus prantos erixuga,
i homilde choras e choras.
Galicia, ti non tes patria,
ti vives no mundo soia,
i a prole fecunda túa
se espalla en errantes hordas,
mentras triste e solitaria
tendida na verde alfombra
ó mar esperanzas pides,
de Dios a esperanza imploras.
Por eso anque en son de festa
alegre á gaitiña se oia,
eu podo decirche:
Non canta, que chora.

           Rosalía de Castro.




Para todas aquelas persoas que non saben o ocurrido o fin de semana do 13 ao 15, Galicia, a miña terra querida, convertiuse nun inferno para todos nos. Dóeme profundamente saír pola ventá polas mañas e ver un páramo desolado, que días atrás inspiraba frescura e aroma a xuventude. Os meus campos arrasados por xente sen alma, que traicionou á súa terra por cartos, e que deixou tras de sí anos e anos de morte e vacío. Tanta xente desaloxada dos seus fogares, e tantos animais perdidos e confusos. Galicia, non debes chamarte nunca española, que españa de ti se olvida, pois Portugal estando nunha situación peor ca nos, axudou máis co noso país. Galicia é o pobo galego, que somos os únicos que nos sacamos as castañas do lume. Por primeira vez en moito tempo, vin a afouteza dos galegos para loitar unidos polo noso. E iso, danos forzas para coninuar. Non deixaremos que ninguén desprecie o noso, porque somos galegos, e valemos ouro.


Vouvos deixar aquí un vídeo que, persoalmente, paréceme de moito interese porque toca dous temas moi importantes, e aínda que a primeira vista non pareza que estén relacionados, o están, e moito. Na miña opinión, eu xamáis podería haber expresado mellor os meus ideais.